Novas emisións do programa de radio

          A radio Illa de Ons continúa coas súas emisións semanais. Os alumnos de 1º ESO foron os encargados de elaborar os contidos dos programas previos ás vacacións de Nadal. Óscar, Marcos, Brais e Hugo (1º ESO B) entrevistaron a Ana, a profesora de Lingua Castelá. Por outra banda, Luis, Alejandro, Brais e Jose (1º ESO A) entrevistaron a Yudani e María, alumnas de 4º ESO.

     Na primeira semana de clase do novo ano, os alumnos de 4º ESO decidiron facer dous programas de radio. No primeiro a invitada foi a súa propia titora, Yolanda, profesora de Inglés. Na segunda emisión quixeron despedirse de Olga, profesora de galego e principal promotora do proxecto da radio, que durante a súa estancia no noso centro conseguiu animarnos a todos para participar nesta grande idea. Moitas grazas e ata pronto, Olga!
       O venres 16 de xaneiro, o programa de radio foi emitido polo alumnado de 3º ESO A (Sabela, Xoel, João, José Ramón, Belén e Teté, a súa titora). A invitada nesta ocasión foi Raquel Calviño, alumna deste mesmo grupo.