GUÍAS DE LECTURA PARA FACER AGASALLOS NESTAS FESTAS:

MÚSICA PARA  AGASALLAR:

O alumnado de 3º C entrevista ao gaiteiro Marcos Campos

    Mercedes, Verónica, Joel e Agustín (3º C) entrevistaron, o pasado venres, ao gaiteiro Marcos Campos. Este artista, que naceu e vive en Vigo, dedícase á música desde os oito anos. Toca a gaita, o acordeón e varios tipos de frautas e forma parte de grandes grupos: Banda Xarabal, Ardentía, Trisquel, Alberto Conde, Crema de Gaita, Pelica de Can, Riobó e outros. Ademais é profesor de gaita e dirixe a Banda de Gaitas Manxadoira de Bueu, da que forma parte Mercedes Pretel, alumna do noso centro .

    Ademais de concedernos unha interesante entrevista, Marcos (gaita), a súa compañeira Elena (bombo) e Mercedes (tambor), tocaron a peza Muiñeira de Ons. Nas seguintes presentacións podedes ver imaxes da entrevista e do pequeno concerto ofrecido por estes estupendos músicos.

As composicións que acompañan ás imaxes son de Ernesto Campos: Tangalego (interpretada por Crema de Gaita) e Berce do Nel (interpretada por Pelica de Can).

    Se tedes interese en coñecer outras obras compostas por Ernesto Campos podedes acceder ao seu BLOG.

Programa de radio - 3º ESO B

Este venres foron os alumnos de 3º B os encargados de retransmitir o programa de radio do Illa de Ons. A invitada entrevistada nesta ocasión foi Teté, a profesora de Música.

Programa de radio - 3º ESO A

O pasado venres 28 de novembro o alumnado de 3º ESO A presentou o seu primeiro programa de radio. A continuación mostrámosvos unhas imaxes deste día.

RADIO ONS ENTREVISTA Ó ALCALDE DE BUEU.

O VENRES 21 OS ALUMN@S DE 4º ESO  NO SEU PROGRAMA DE RADIO ENTREVISTARON Ó ALCALDE DE BUEU, FÉLIX JUNCAL.
O SEGUINTE VIDEO É UNHA PARTE DA LONGA ENTREVISTA .

RADIO ONS.VENRES 14 DE NOVEMBRO.

Terceira semana NO AIRE!

    Xa todas e todos sabedes que a Radio Illa de Ons vai vento en popa. Tras recibir unha serie de indicacións de como realizar un proxecto radiofónico, unha parte do alumnado do centro estivo a traballar, durante as últimas semanas, na elaboración de diferentes contidos: entrevistas, noticiarios, publicidade de eventos, emisións musicais... Tamén tiveron que practicar co equipo técnico do que dispón a radio: micros, mesa de son, biblioteca de arquivos de audio, cámaras... Para ambientar o espazo radiofónico, as alumnas de Plástica de 4º ESO elaboraron un panel decorativo.

 

 Cada venres, na hora do recreo, un grupo de alumnos e alumnas emitirá un programa en directo para o resto da comunidade educativa. O venres pasado tocoulles aos de 4º ESO vivir esta experiencia e entrevistaron ao alcalde de Bueu, Félix Juncal. 

     No seguinte resumo fotográfico podedes ver como se realizaron tanto o panel decorativo coma os preparativos desta entrevista.

Radio "ONS" en funcionamento.

O venres 7 de novembro comezou a radio do IES ILLA DE ONS. Os primeiros en saír en antena foron os de 2º A, estreáronse cunha entrevista co profe de Educación Física, Toño. E as seguintes fotos mostran o seu traballo e o éxito que obtiveron.

O venres día 14 foron os de 2º B os encargados de realizar o programa, entrevistando ao xefe de Estudos, José Luis.

PRESENTACIÓN LIBRO ONS ONDAS ,DOUS

Regueifando no IES ILLA de ONS

O mércores 28 de maio Pinto de Herbón  e  o Caruncho impartiron un taller de regueifas no  centro aos alumnos de 3º e 4º da ESO.
Todos os rapaces e o o profesorado presente tiveron un tempo de gozar coa súa presenza.

VAMOS AO TEATRO "BICOS CON LINGUA"

O mércores día 9 de abril os alumnos de 3º e 4º da ESO asistiremos a representación da obra de teatro "Bicos con lingua" de TALÍA TEATRO. O acto terá lugar no Teatro Principal de Pontevedra. Aproveitaremos a mañá para visitar a Facultade de Belas Artes.

Video feito polos alumnos de 4º ESO do noso centro en colaboración con outros centros do Morrazo

GUÍAS DE LECTURA PARA SECUNDARIA

NO NADAL UN LIBRO DE AGASALLO

LIBROS EN GALEGO,  TAMÉN!!!

Recitando a Celso Emilio

GUÍAS DE LECTURA PARA E.S.O /BACHARELATO

Camisetas para recitar a Celso Emilio Ferreiro

Mércores 12  de decembro na biblioteca do IES recitando a Celso Emilio, coa colaboración de alumnos, profesores e persoal non docente.

Recitando a Celso Emilio

O mércores 12 de decembro na biblioteca terá lugar un evento  coa participación  de alumn@s, profesores e persoal non docente.Esperamos a túa participación activa.

RecitandoCelsoemiliO
Deitado frente ao mar
Lingua proletaria do meu pobo,
eu fáloa porque si, porque me gosta,
porque me peta e quero e dáme a gana;
porque me sai de dentro, alá do fondo
dunha tristura aceda que me abrangue
ao ver tantos patufos desleigados,
pequenos mequetrefes sen raíces
que ao pór a garabata xa non saben
afirmarse no amor dos devanceiros,
falar a fala nai,
a fala dos avós que temos mortos,
e ser, co rostro erguido,
mariñeiros, labregos da linguaxe,
remo i arado, proa e rella sempre.
Eu fáloa porque si, porque me gosta
e quero estar cos meus, coa xente miña,
perto dos homes bos que sofren longo
unha historia contada noutra lingua.
Non falo pra os soberbios,
non falo pra os ruíns e poderosos,
non falo pra os finchados,
non falo pra os baleiros,
non falo pra os estúpidos,
que falo pra os que aguantan rexamente
mentiras e inxustizas decotío;
pra os que súan e choran
un pranto cotidián de bolboretas,
de lume e vento sobre os ollos núos.
Eu non podo arredar as miñas verbas
de tódolos que sofren neste mundo.
E ti vives no mundo, terra miña,
berce da miña estirpe,
Galicia, doce mágoa das Españas,
deitada rente ao mar, ise camiño...

Mércores día 13 de xuño ás 21h no museo Massó de Bueu terá lugar a presentación do libro "ONS ONDAS", libro composto por historias recollidas por alumn@s do IES ILLA de ONS,relativas ao mundo do mar, a pesca,a illa de ONS,a navegación.

<<Adán,como os antigos,sabe quen é,venera os seus antepasados,ama a súa illa,o su traballo e o seu mar.

Adán é doutro tempo, do tempo no que valía a palabra dun home, do tempo en que a comunidade sentía.Adán é do tempo en que as persoas cantaban ao traballo.

Se ben se mira, estas catorce historias puideron ser contadas por Homero.A fin de contas Ulises era un navegante que adoecía por voltar a súa illa, que era tan pobre que “só é boa para as cabras”.A cousa non estaba entón no diñeiro nin na riqueza.Era outro o motivo de voltar.

Unha comunidade sostendo a pulso un barco desde terra con cabos durante toda unha noite é un relato épico.Máis para Adán iso forma parte do normal.Todo depende de como se mire.Eu mireino desde fóra e estou abraiado.

Nas historias que ambienta na Illa as persoas son personaxes dunha obra e o mar envólveas nunha maré de soño .

Ás veces o propio Adán paréceme un persoaxe, unha parte dun soño dun neno, a inocencia do libro da Xénese encarnada no primeiro home.

Grazas, Adán.>>

Escrito de Xoán Xosé Rodríguez Rivas no libro ONS ,ONDAS

Teatro "Pelos na lingua"

O pasado día 31 de xaneiro fumos a Santiago @s alumn@s de 3º e 4º da ESO para presenciar a obra de teatro "PELOS NA LINGUA" do grupo de teatro TALIA.
Foi moi divertida, e mostrou unha visión crítica dos tópicos sobre a lingua galega.
Parabéns aos actores e actrices da obra polo seu gran papel.
Despois da función fixemos unha pequena visita guiada pola cidade de Santiago.

CULTURGAL 2011

Chega o Culturgal. Tres días de presentacións, conversas, produtos e todo tipo de propostas culturais concentradas. Un total de 130 actividades enchen a vindeira fin de semana o Pazo da Cultura e mais a Cidade de Pontevedra.


Culturgal é o fogar da cultura galega. Unha gran casa construída entre os distintos gremios da cultura: libro, creación audiovisual, artes escénicas, música, deseño, internet e novas tecnoloxías. Un fogar coas portas e ventás abertas sempre cara á sociedade.

Culturgal celebra un evento anual que conxuga o encontro profesional coa presentación, promoción e venda aberta ao público de produtos e servizos. Para facelo, válese de dúas patas fundamentais: a Feira e o Foro. A Feira das Industrias Culturais de Galicia achega ao público ás novidades editoriais, o último en música, o glamour do audiovisual, a maxia das artes escénicas, os avances das novas tecnoloxías e mesmo as propostas máis marxinais en tres días de actividade sen tregua para os públicos máis variados. O Foro Culturgal, pola súa banda, é un lugar de encontro privilexiado para os axentes do sector, un espazo para a reflexión e a aprendizaxe, no que intercambiar experiencias e imaxinar novos proxectos baseados na colaboración e no apoio mutuo.

Culturgal é a mellor radiografía dun sector industrial cohesionado, forte, dinámico e moderno que se enfronta a un momento crucial, cheo de grandes cambios, coa despensa chea de ideas e de solucións colectivas para os retos que trae o futuro.

Preme na seguinte ligazón:
PROGRAMA DE ACTIVIDADES 2, 3 , 4 DECEMBRO 2011